Dowamy. Beýleki bölümleri şu salgylardan okap bilersiňiz:
- 1-nji bölüm
- 2-nji bölüm
- 3-nji bölüm
- 4-nji bölüm
- 5-nji bölüm
- 6-njy bölüm
- 7-nji bölüm
- 8-nji bölüm
- 9-njy bölüm
- 10-njy bölüm
- 11-nji bölüm
- 12-nji bölüm
- 13-nji bölüm
- 14-nji bölüm
- 15-nji bölüm
- 16-njy bölüm
- 17-nji bölüm
- 18-nji bölüm
- 19-njy bölüm
- 20-nji bölüm
- 21-nji bölüm
- 22-nji bölüm
- 23-nji bölüm
- 24-nji bölüm
- 25-nji bölüm
- 26-njy bölüm
- 27-nji bölüm
- 28-nji bölüm
- 29-njy bölüm
- 30-njy bölüm
YNAM 4.
HEMME ZADY ULANMAK ÜÇIN, HEMME ZADA DÜŞÜNMEK HÖKMAN DÄL.
Kän-kän ýetişikli adamlar ýene bir bähbitli ynama daýanyp ýaşaýarlar. Olar peýdalanjak zatlarynyň hemmesini jikme-jik bilmek hökman däl hasap edýärler. Özenine düşünýärler-de, maýda-çüýde zatlara gatyşyp ýörmeli hem däl hasaplaýarlar.
Eger siz döwlet başynda duran adamlaryň ýagdaýyny öwrenseňiz, olaryň adamlar barada diňe umumy düşünjesiniň bardygy, aýratynlykda belli bir adamy tanamak barada bilýän zatlarynyň ýokdugynyň üstüni açarsyňyz.
Kitabyň birinji babynda modelirlemäniň adam üçin iň bir zerur, gidensoň yzyna gaýdyp gelmeýän gymmatlyk bolan wagty tygşytlamak üçin gerekdigi hakynda gürrüň edipdik. Ýetişikli adamlaryň gerek netijäni gazanmak üçin nähili hereket edýändiklerini synlamak bilen, biz olaryň hereketini gaýtalap, öwrenip iki utuş gazanýarys. Üstesine-de, şol netijäni olaryň sarp eden wagtyndan az wagt sarp edip hem tiz gazanýarys. Wagt diýilýän hadysa hiç kimiň siz üçin saklap ýa-da gidensoň yzyna gaýtaryp bilmejek hadysalarynyň biridir. Beýik şahslar öz wagtyna gezek gelende iň bir husyt adamlar bolupdyrlar. Olar iş salşylýan ýagdaýyň özenine wagt sarp edýärler, galan zada üns bermeýärler. Ýöne olar öz düşünjelerini artdyrmak üçin welin, wagty tygşytlamaýarlar. Olar wagt sarp etmek üçin nämäniň zerurdygyny—nämäniň bolsa zerur däldigini bilýärler.
Men size elektrik togunyň nähili işleýändigi barada sowal bersem, aljak jogabymyň ol diýen doly bolmajakdygyna ynanýaryn. Oňa garamazdan, siziň şol pes düşünjäňiz elektrik toguny ulanmagyňyza sähelçe-de päsgel bermeýär. Siz uly höwes bilen çyrany ýakýarsyňyz, söndürýärsiňiz. Häzir siziň kimdir biriňiziň şu kitaby elektrik yşygyndan däl-de, şemiň yşygyndan peýdalanyp okaýandygyna müňkürlik edýärin. Ýetişikli adamlar nämäni bilmegiň zerurdygyny, nämäni bilmegiň bolsa, gerek däldigini saýlamaga ussat bolýarlar. Şu kitapdaky maglumatlardan peýdalanmak, ömrüňi manyly ýaşamak üçin, zady tanamak bilen ony ulanmagyň şol bir zat däldigini bilmek zerurdyr. Siz agajyň köki barada düşünje gazanmak üçin, bar wagtyňyzy harçlarsyňyz, ýöne agajyň miwesini ýygmagy welin, öwrenip bilmersiňiz. Ýetişikli bolmak üçin aşa köp bilmek, köp okamak zerur däl. Stenfordda ýa-da Kaliforniýa tehnologik institutynda kompýuteriň tehniki shemalaryny Stiw Jobsdan hem Stiw Woznýakdan gowy bilýän alymlar, inženerler öran kändir. Ýöne ady tutulan ýokarky iki adam öz tehniki düşünjelerini has çuň, has bähbitli ulandy. Şonuň üçinem diňe şol ikisi gazanmak islenen netijäni gazanmagy başardy.
(dowamy bar).
