Amerikaly astrosuratçy Endrýu MakKarti Günüň fonunda paraşýutçynyň ajaýyp suratyny düşürdi we wideony öz Instagram sahypasynda ýerleşdirdi. Suratyň ady "Ikaryň Aşak Gaçyşy" diýlip atlandyryldy.
MakKartiniň aýtmagyna görä, suraty almak üçin uzak wagtlyk taýýarlyk we takyk hasaplamalar zerur boldy.
"Bu taryhda şeýle görnüşli ilkinji surat bolsa gerek," – diýip, ol X (ozalky Twitter) sosial ulgamynda ýazdy.
Paraşýutçy – sazanda, ýutubçy we suratçynyň dosty Gabriel S. Braun boldy. Ol 1070 metr beýiklikden kiçi uçardan bökdi. Kamera çenli aralyk takmynan 2440 metr boldy.
Takyk suraty almak üçin MakKarti birnäçe hepde taýýarlyk gördi. Uçary Gün diskiniň çyzygyna deňlemek üçin jemi alty synanyşyk etmeli boldy.
Emma böküş diňe bir gezek ýerine ýetirildi.
MakKarti suratyň näme üçin beýle ýokary takyklygy talap edendigini düşündirdi:
"Görüş meýdanymyz örän dardy, şonuň üçin ençeme gezek synanyşmaly bolduk. Bökmäge welin diňe bir gezek synanyşyp bilýärdik – paraşýuty howpsuz ýagdaýda gaýtadan ýerleşdirmäge gaty köp wagt gerek bolardy," – diýip, işiň awtory aýtdy.
