Ýewropanyň Futbol Assosiasiýalarynyň Birleşiginiň tehniki synçylar topary Çempionlar ligasynda 2025/26 möwsüminiň toparyny we iň gowy on goluny saýlady. Bu barada UEFA-nyň resmi sahypasynda habar berilýär.
Möwsümiň resmi toparyna ýaryşyň ýeňijisi «Pari Sen-Žermenden» bäş futbolçy girdi.
Möwsümiň iň gowy oýunçysy diýlip saýlanan Hwiça Kwarasheliýa meýdançanyň çep gyrasynda ýer aldy, final duşuşygynyň iň gowy oýunçysy Witinýa bolsa meýdançanyň merkezinde ýerleşdi. Olardan başga-da, möwsümiň toparyna «PSŽ-den» goragçylar Markinýos we Nunu Mendeş, şeýle hem hüjümçi Usman Dembele girdi.
Şeýle-de, simwolik toparda Çempionlar ligasynyň finalçysy Londonyň «Arsenal» toparyndan üç futbolçy, ýarym finalçylar «Bawariýa» bilen «Atletikodan» bolsa, degişlilikde, iki we bir oýunçy bar.
Çempionlar ligasynyň 2025/26 möwsüminiň topary:
Çempionlar ligasynyň 2025/26 möwsüminiň iň gowy 10 golunyň sanawynda birinji orny «Realyň» oýunçysy Federiko Walwerdeniň 1/8 finalyň ilkinji oýnunda topy ýere düşmänkä depip girizen we het-trige getiren ajaýyp goly eýeledi.
Ikinji orunda «Tottenhemiň» goragçysy Miki wan de Weniň umumy tapgyrda «Kopengagene» garşy oýunda ýekelikde ähli garşydaşlaryndan geçip, salan goly ýerleşdi. Üçünji orny bolsa «Bawariýanyň» hüjümçisi Luis Diasyň «Pari Sen-Žermene» garşy geçirilen ilkinji ýarym final duşuşygyndaky goly eýeledi.
Möwsümiň iň gowy gollary:
- Federiko Walwerde («Real» — «Man Siti» 3:0) – 1/8 finalyň ilkinji oýny, üçünji goly
- Miki wan de Wen («Tottenhem» — «Kopengagen» 4:0) – umumy tapgyr
- Luis Dias («PSŽ» — «Bawariýa» 5:4) – ilkinji ýarym final duşuşygy
- Hwiça Kwarasheliýa («PSŽ» — «Atalanta» 4:0) – umumy tapgyr
- Harri Keýn («Bawariýa» — «Atalanta» 4:1) – 1/8 finalyň jogap duşuşygy, ikinji goly
- Lamin Ýamal («Brýugge» — «Barselona» 3:3) – umumy tapgyr
- Witinýa («PSŽ» — «Tottenhem» 5:3) – umumy tapgyr, birinji goly
- Anatoliý Trubin («Benfika» — «Real» 4:2) – umumy tapgyr
- Wlad Dragomir («Pafos» — «Slawiýa» 4:1) – umumy tapgyr,
- Noni Madueke («Brýugge» — «Arsenal» 0:3) – umumy tapgyr, birinji goly.
