«Barselona» futbol kluby Madridiň «Real» toparynyň prezidenti Florentino Peresiň üstünden kazyýete şikaýat etdi. Kataloniýanyň kluby madridli telekeçiniň kemsidiji we göwne degiji sözleri üçin jogap bermegini isleýär.
RAC1 radioýaýlymynyň berýän maglumatyna görä, kazyýet işiniň gozgalmagyna Peresiň birnäçe gezek gaýtalan beýanatlary sebäp boldy. Ol öz çykyşlarynda «Barselonanyň» «eminleri satyn alandygyny» we «adalatsyz oýun alyp barandygyny» öňe sürüpdi. Çeşmede «Barselonanyň» ýolbaşçylarynyň Florentino Peresiň madrid klubunyň ýolbaşçysyny saýlamak boýunça geçiriljek saýlawlarda katalonlara garşy şahsy garaýyşlaryny ulanmagyny islemeýärler.
«Real Madrid» klubunyň prezident saýlawlarynda Peresiň bäsdeşi Enrike Rikelmedir. Ol mundan ozal, saýlawlarda ýeňiş gazanan ýagdaýynda topar üçin norwegiýaly hüjümçi Erling Holandy satyn almagy maksat edinýändigini mälim edipdi.
