Iki agram derejesinde UFC-niň öňki çempiony Aleks Pereýra ilkinji gezek doly metražly çeper filmde peýda bolar.
Braziliýaly söweşiji A24 studiýasynyň «Çozuş» (Onslaught / Натиск) diýlip atlandyrylýan taslamasynda rol aldy. Bu filmiň ilkinji premýerasy 4-nji sentýabrda bolar.
Filmiň awtorlary resmi treýleri hödürledi, onda Pereýra Gassap lakamly gahrymanyň keşbinde peýda bolýar. Onuň gahrymanynyň filmiň baş gahrymanlarynyň garşysyna çykjak esasy duşmanlaryň biridigi belli.
Sýužet treýler parkynda maşgalasy bilen ýaşaýan bir aýal barada gürrüň berýär. Gizlin harby desgadan syrly bir jandaryň gaçmagy bilen olaryň durmuşy bütinleý üýtgeýär. Baş gahryman indi öz ýakynlaryny goramaly we bolup geçýän wakalaryň anygyna ýetmeli bolar.
Filmiň režissýory — ozal «Godzilla Konga garşy» we «Godzilla we Kong: Täze imperiýa» filmleri bilen tanalýan Adam Wingarddyr. Ssenarini Saýmon Barrett ýazdy. Aktýorlyk düzümine Adriýa Arhona, Den Stiwens, Rebekka Holl we Maýkl Bin hem girdi.
