Google tehnologiýa ägirdi we "A24" meşhur garaşsyz kino studiýasy strategik hyzmatdaşlyk barada ylalaşyk baglaşandyklaryny resmi taýdan yglan etdiler.
Hyzmatdaşlygyň çäginde studiýa «Google DeepMind» emeli aň barlag bölümi bilen bilelikde emeli aňyň mümkinçiliklerini öwrenmek we kino önümçiliginiň dürli tapgyrlarynda ulanyp boljak innowasion tehnologiýa gurallaryny döretmek ugrunda işlär.
Taraplar geleşigiň maliýe şertlerini resmi taýdan mälim etmeýärler. Şeýle-de bolsa, abraýly «The Wall Street Journal» neşiriniň maglumatyna görä, IT-korporasiýasy tarapyndan goýlan maýanyň möçberi 75 million dollar töweregi bolup biler.
Google üçin bu ädim taryhy öňegidişlik boldy. Korporasiýanyň sanly güýmenje industriýasynda öz hyzmatlaryny köpden bäri ösdürýändigine garamazdan, ol hereket edýän kino studiýasynyň paýyny ilkinji gezek satyn alýar.
«A24» üçin bu geleşik tehnologiýa ägirdiniň öňdebaryjy tehnologik çeşmelerine we hasaplaýyş kuwwatlyklaryna gönümel elýeterlilik açýar.
