Dewid bilen Wiktoriýa Bekhemiň ogly Romeo Bekhem «Hasap 40:0» (asyl ady — Forty Love) atly romantik filmde rol aldy diýip, «Variety» neşiri habar berýär. Bu onuň kinoda ilkinji gezek çykyş etmegi bolar.
Filmiň režissýory bu taslama bilen kinoda ilkinji gezek debýut etjek moda fotosuratçysy Pýer-Anž Karlotti bolar. 23 ýaşly Bekhem bilen bilelikde filme Pol Kirşer («Haýwanlar patyşalygy»), Giýom Kane («Gark bolmak ýa-da ýüzmek»), Benžamen Wuazen («Nätanyş») we Katrin Denýow hem gatnaşar.
Sýužetiň merkezinde uly tennis boýunça super-ýyldyz Saşa Gallonyň (Kirşer) taryhy durýar. Ol Pariždäki baş baýragy gazanmak üçin kakasy bilen bilelikde türgenleşýär. Romeo Bekhem bolsa baş gahrymanyň garşydaşynyň keşbini ýerine ýetirer.
Mundan ozal Romeo Bekhem gyraky hüjümçi ornunda futbol oýnaýardy, ýöne 2024-nji ýylda sport karýerasyny bes edip, modeling bilen meşgullanyp başlady. Ol Yves Saint Laurent we Balenciaga ýaly meşhur brendler bilen hyzmatdaşlyk etdi.
Dewid we Wiktoriýa Bekhemiň Romeodan başga-da iki ogly bar. Onuň uly ogly, 26 ýaşly Bruklin Bekhem ýanwar aýynda ene-atasy bilen gatnaşygyny kesendigini mälim edipdi. Olaryň körpe ogly, 21 ýaşly Krus Bekhem bolsa aýdym-saz bilen meşgullanýar.
