2026-njy ýylda Niagara seýilgähleri dünýäniň iň meşhur şaglawuklarynyň biriniň gyşky gözelliginden pursatlary suratlarda beýan etmegi maksat edinýän giň möçberli surat bäsleşigi bolan Niagara Frozen Falls Social Media Contest-i geçirdi.
Ýeňiji bolan suratlar suwuň üznüksiz akymynyň we heýkele öwrülip doňan tebigy hadysanyň illýuziýasyny döredýän ägirt uly buzuň arasyndaky kontrasty görkezýärdi.
Bäsleşikde birinji orny Mytny Photography studiýasy eýeledi, onuň işleri gyşky peýzažyň asudalygy bilen şaglap akýan suwuň güýjüni birleşdirýär.
Niagaranyň doňan şaggyldysy / Birinji orny eýelän surat /© Mytny Photography (The The Frozen Roar of Niagara)
Ajo Metýu kinematografik we duýguçyl suraty bilen ikinji orny eýeledi.
Niagaranyň gyrasynda doňup galan ot / ikinji ýeri eýelän surat / © Ajo Mathew (Frozen Fire at the Edge of Niagara)
Üçünji orny doňan tebigatyň gazaply asylky güýjüni suratlandyrýan suraty üçin Rob Miller eýeledi.
Niagaranyň doňan ybadathanasynyň astynda / üçünji orny eýelän surat / © Rob Miller (Beneath Niagara’s Frozen Cathedral)
Awtorlaryň her biri Niagaranyň gyşky görnüşiniň dramasyny özüçe açyp görkezmegi başarypdyr.
Guraýjylar Niagara şaglawugynyň hiç haçan doly doňmaýandygyny belleýärler: millionlarça tonna suw buz gatlaklarynyň aşagynda hereket etmegini dowam etdirýär. "Doňup galmak" täsiri gaýalary we gurluşlary ýuwaş-ýuwaşdan örtýän buzly dumanyň we garyň hasabyna döreýär. Hemişelik hereketiň we buzdan gabygyň şu utgaşmasy müňlerçe suratçylary we syýahatçylary ylhamlandyrmagyny dowam etdirýär we şaglawugy her gyşda planetanyň iň ajaýyp tebigy görnüşleriniň birine öwürýär.
Bäsleşigiň finalçylarynyň suratlary
Doňan şaglawugyň depesindäki awrora / © Kevin Rowan (Aurora Over the Frozen Falls)
Doňan şaglawugyň astyndan gelýän pyşyrdy / © Parker Burkett (Whispers Beneath the Frozen Falls)
Doňan şaglawugyň depesinde dogan Aý / © Lei Ýang (Moonrise Over the Frozen Falls)
Doňan patyşalygyň depesindäki älemgoşar / © Poli Bertolai (Rainbow Over the Frozen Kingdom)
Gijeki şaglawugyň astynda doňup galan çyralar / © Shannon Dawn (Frozen Lights Beneath the Night Falls)
Gyşyň mahmal suwy / © Argen Elezi (Velvet Waters of Winter)
