Kilian Mbappe we “Pari Sen-Žermen” kazyýetde biri-birine uly mukdarda maliýe talaplaryny bildirdi. Iş 17-nji noýabrda Parižiň zähmet dawalary boýunça kazyýetinde başlandy.
Le Monde-niň habar bermegine görä, hüjümçi şertnamany uzaltmakdan ýüz öwrenden soň ýaramaz gatnaşygy üçin klubdan 263 mln ýewro möçberde öwez tölegini talap edýär. “PSŽ” hem garşylyklaýyn arza berdi we oýunçynyň saud “Al-Hilýalyna” geçmek barada uly şertnamany bozandygyny nygtap, 440 mln ýewro talap etdi.
Mbappe 2023/24 möwsüminiň başynda täze şertnamadan ýüz öwürmegiň onuň oýunlardan çetleşdirilmegine getirendigini aýdyp, arza beripdi. Mundan başga-da, ol klubuň satmak isleýän oýunçylary bilen türgenleşmäge iberildi. Şu sebäpli Fransiýanyň oýunçylar birleşigi geçen ýyl şikaýat arzasyny berdi.
“PSŽ”, öz gezeginde, Mbappeni “Al-Hilýal” bilen şertnamanyň bozulmagynda günäkär hasaplaýar. Saud kluby 300 mln ýewro tölemäge taýýardy, ýöne hüjümçi geçmekden ýüz öwürdi.
2024-nji ýylda Mbappe “PSŽ-den” erkin agent hökmünde gitdi we karýerasyny Madridiň “Realynda” dowam etdirdi.
