Owganystanyň goňşy ýurtlarynyň daşary işler ministrleriniň nobatdaky üçünji duşuşygyna we «Owganystanyň goňşy ýurtlary+Owganystan» dialogynyň işine gatnaşmak üçin Türkmenistanyň wekiliýeti 29 — 31-nji martda Hytaý Halk Respublikasynyň Huanşan şäherinde gulluk iş saparynda bolar. Bu baradaky degişli Buýruga 28-nji martda Prezident Serdar Berdimuhamedow gol çekdi.
Maglumatlara görä, 31-nji martda Hytaýyň Tunsi şäherinde geçiriljek ministrler maslahatyna Russiýanyň, Hytaýyň, Eýranyň, Pakistanyň, Täjigistanyň, Türkmenistanyň, Özbegistanyň wekiliýetleri gatnaşar. Duşuşykda Owganystana ynsanperwer we durmuş-ykdysady kömek üçin sebitleýin tagallalary utgaşdyrmak meseleleri ara alnyp maslahatlaşylar.
Maslahatyň çäginde Owganystanyň goňşy ýurtlarynyň daşary syýasat edaralarynyň ýolbaşçylary bilen «Talibanlaryň» wekiliýetiniň arasynda gepleşikleri geçirmek meýilleşdirilýär.
