Geçen hepdede Türkmenistanyň Döwlet haryt-çig mal biržasynyň söwdalarynda 49 sany geleşik hasaba alyndy. Eksport şertnamalarynyň umumy bahasy 78 million 656 müň ABŞ dollaryndan gowrak boldy.
Birleşen Arap Emirlikleriniň, Türkiýäniň, Owganystanyň we Täjigistanyň işewür toparlarynyň wekilleri «Türkmennebit» döwlet konserniniň kärhanalarynda öndürilen uçar kerosinini, şeýle hem «Türkmenhimiýa» döwlet konserniniň kärhanasy tarapyndan öndürilen ECO-93 kysymly awtoulag benzinini satyn aldy.
Mundan başga-da, BAE-niň we Türkiýäniň telekeçilerine dokma önümleri, buýan köküniň goýy ekstrakty, pagta ýagy we bugdaý uny ýaly önümler ýerlenildi.
Içki bazarda bolsa türkmen telekeçileri bugdaý ununy, pagta ýagyny, tekiz boýalan we žakkard tüýjümek önümleri, pagta süýümini, nah matany, nah ýüplügi hem-de jins matasyny satyn aldy. Içki geleşikleriň umumy möçberi 325 million 945 müň manatdan geçdi.
