Şu gün Sankt-Peterburgda Garaşsyz Döwletleriň Arkalaşygynyň Liderleri Täze ýylyň öňüsyrasynda däp bolan resmi däl sammite ýygnanarlar. Duşuşyk 2 günläp dowam eder. Kremliň metbugat gullugynyň habar bermegine görä, duşuşyk Russiýanyň Prezidenti Wladimir Putiniň başlangyjy boýunça geçiriler.
Öň habar berlişi ýaly, sammitiň üns merkezinde GDA-nyň çäklerinde hyzmatdaşlygy giňeltmek meseleleri maslahatlaşylar. Döwlet Baştutanlary geçip barýan ýylyň esasy jemlerini jemlärler we özara gatnaşyklaryň ileri tutulýan ugurlary boýunça pikir alşarlar.
Duşuşyga Russiýanyň, Azerbaýjanyň, Belarusuň, Gyrgyzystanyň, Gazagystanyň, Täjigistanyň, Türkmenistanyň we Özbegistanyň Prezidentleri, şeýle hem Ermenistanyň premýer-ministri gatnaşar.
Belläp geçsek, GDA Liderleriniň mundan öňki resmi däl sammiti Peterburgda 7-nji oktýabrda geçirilipdi.
