22-nji iýunda Warşawa şäherinde Türkmenistanyň Döwlet migrasiýa gullugynyň başlygy A.Sazakowyň we Polşa Respublikasynyň Içeri işler ministrliginiň Döwlet serhet gullugynyň başlygy Robert Baganyň arasynda duşuşyk geçirildi. Gepleşikleriň jemleri boýunça taraplar iki gullugyň arasynda migrasiýa babatda hyzmatdaşlyk etmek barada Ähtnama gol çekdi.
Duşuşykda parahatçylyk, howpsuzlyk, durnukly ösüş hem-de halkara migrasiýa ulgamynyň geljegi ýaly ugurlarda hyzmatdaşlyk meseleleri ara alnyp maslahatlaşyldy.
Gol çekilen resminama degişli edaralaryň arasyndaky özara gatnaşyklary ösdürmegi, maglumat we tejribe alyşmagy, geňeşmeleri hem-de bilermenleriň duşuşyklaryny geçirmegi, şeýle hem hünärmenleriň arasyndaky hünär gatnaşyklaryny giňeltmegi göz öňünde tutýar.
Taraplar bu Ähtnamanyň geljekki özara bähbitli gatnaşyklary ösdürmekdäki ähmiýetini belläp, migrasiýa meseleleri boýunça bilelikdäki işleri dowam etdirmäge taýýardyklaryny mälim etdi.
