Geçen hepdede Türkmenistanyň Döwlet haryt-çig mal biržasynyň (TDHÇMB) söwdalarynda geleşikleriň 27-si hasaba alyndy. Bu barada TDH habar berýär.
Söwdalaryň netijeleri boýunça daşary ýurt puluna Birleşen Arap Emirlikleriniň, Türkiýäniň, Owganystanyň we Özbegistanyň işewür toparlarynyň wekilleri döwlet kärhanalarynyň önümlerini satyn aldy. Olaryň hatarynda «Türkmennebit» döwlet konserninden suwuklandyrylan gaz we gidro usulda arassalanan dizel ýangyjy, «Türkmenhimiýa» döwlet konserninden suwuklandyrylan gaz, kükürtden arassalanan dizel fraksiýasy we motor ýagy bar.
Mundan başga-da, Türkiýäniň we Ukrainanyň telekeçilerine daşary ýurt puluna jins we trikotaž önümleri, tekiz boýalan hem-de žakkard tüýjümek önümleri, bugdaý uny, pagta süýümi we nah ýüplük ýerlenildi. Söwdalaryň çäklerinde gazanylan geleşikleriň jemi bahasy ABŞ-nyň 62 million 520 müň dollaryndan gowrak boldy.
Türkmen işewürleri içerki bazar üçin uly möçberde önüm satyn aldy. Türkmenistanyň telekeçileri tarapyndan jemi bahasy 56 million 454 müň manada deň bolan pagta ýagy, nah ýüplük we pagta süýümi satyn alyndy.
