Hytaýda Owganystan bilen goňşy döwletleriň duşuşygy geçer

  • 28.03.2022 11:17
  • 5.9k+

Mart aýynyň ahyrynda Pekinde Owganystan bilen goňşy döwletleriň daşary işler ministrleriniň duşuşygynyň üçünji tapgyry geçer.

Duşuşyga Eýranyň, Täjigistanyň, Hytaýyň, Özbegistanyň, Türkmenistanyň we Päkistanyň daşary işler ministrleri gatnaşar. Olar Owganystana ynsanperwerlik kömegini bermek we bu ýurduň öňünde durýan syýasy meseleleri çözmek hakynda özara pikir alşarlar.

Duşuşyga Russiýanyň daşary işler ministri Sergeý Lawrowyň gatnaşmagyna garaşylýar.

«Bu duşuşyk — Owganystana ynsanperwerlik kömegi, ýurdy ykdysady we sosial taýdan goldamak boýunça maslahat etmek, utgaşdyrmak we sebitleriň tagallalaryny birleşdirmek hem-de terrorçylykly howp salmalara, neşe söwdasy  bilen bagly hereketlere baha bermek üçin gowy mümkinçilik.» — diýip, Russiýanyň DIM-niň resmi wekili Mariýa Zaharowa mälim etdi.

Duşuşygyň birinji we ikinji tapgyrlary Islamabadda bilen Tähranda geçirilipdi. Islamabaddaky duşuşyk Zoom konferensiýanyň üsti bilen geçipdi.
Duşuşyk barada penşenbe güni Hytaýyň daşary işler ministri Wan I-niň Kabula bolan saparynyň dowamynda maslahatlaşyldy. Şol ýerde ol premýer-ministriň orunbasarynyň wezipesini ýerine ýetiriji, Owganystanyň wagtlaýyn hökümetiniň daşary işler ministriniň wezipesini ýerine ýetiriji bilen gepleşikleri geçirdi. Edil şol gün Kabula Russiýanyň Owganystan boýunça ýörite wekili Zamir Kabulowyň baştutanlygynda Russiýa Federasiýasynyň wekiliýeti hem bardy. 
Ertesi, anna güni HHR Döwlet Maslahatynyň agzasy, Milli goranmak ministri Weý Fenhe wideoaragatnaşyk arkaly Türkmenistanyň Goranmak ministri Begenç Gündogdyýew bilen gepleşikleri geçirdi. Bu barada Sinhua habarlar agentligi habar berdi.
Hytaý iki döwletiň baştutanlarynyň gazanan möhüm ylalaşyklaryny durmuşa geçirmek, strategik gatnaşyklary berkitmegi dowam etmek we howpsuzlyk çäginde amaly hyzmatdaşlygy çuňlaşdyrmak üçin Türkmenistan bilen işleşmäge taýýardyr diýip, Weý aýtdy.


düýn 20:56
4k+

Türkmenistanyň we Ukrainanyň bilim edaralary ylym, bilim we atçylyk babatda hyzmatdaşlyk ederler

24-nji oktýabrda Aba Annaýew adyndaky Halkara atçylyk akademiýasy bilen Ukrainanyň Bioresurslar we tebigatdan paýdalanmak boýunça Milli uniwersitetiniň arasynda Özara düşünişmek hakynda Ähtnama gol çekildi. Bu barada Türkmenistanyň DIM-nde habar berdiler...

düýn 20:47
1.7k+

Türkmenistanyň biržasy geçen hepdäniň söwdalarynyň netijelerini habar berdi

Geçen hepdede Türkmenistanyň Döwlet haryt-çig mal biržasynyň söwdalarynda jemi bahasy ABŞ-nyň 7 million 862 müň dollaryndan gowrak bolan geleşikleriň 15-si hasaba alyndy. Daşary ýurt puluna Birleşen Arap Emirlikleriniň, Owganystanyň, Ukrainanyň hem-de Özbegistanyň işewür toparlarynyň wekilleri «Türkmenhimiýa» döwlet konserniniň kärhanasynda öndürilen suwuklandyrylan gazy we karbamidi satyn aldylar...

düýn 15:10
1.4k+

Serdar Berdimuhamedow Aleksandr Wan der Belleni Awstriýanyň Milli güni bilen gutlady

Prezident Serdar Berdimuhamedow Awstriýa Respublikasynyň Federal Prezidenti Aleksandr Wan der Bellene Awstriýa Respublikasynyň Milli güni mynasybetli mähirli gutlaglaryny we iň gowy arzuwlaryny iberdi. Gutlagda...

düýn 15:03
2.8k+

Türkmenistanyň Prezidenti 2026-njy ýylda geçiriljek sergileriň we forumlaryň sanawyny tassyklady

Türkmenistanyň Prezidenti ministrlikler we pudaklaýyn dolandyryş edaralary tarapyndan 2026-njy ýylda geçiriljek sergileriň, ýarmarkalaryň, maslahatlaryň we festiwallaryň sanawyny hem-de olary geçirmek boýunça guramaçylyk toparynyň düzümini tassyklaýan Karara gol çekdi...