Özbegistanyň we Azerbaýjanyň Prezidentleri Awazada üçtaraplaýyn duşuşykda çykyş etdiler

22-nji awgustda “Awa­za” mil­li sy­ýa­hat­çy­lyk zo­la­gyn­da­ky Kong­res­ler mer­ke­zin­de Türk­me­nis­ta­nyň Halk Mas­la­ha­ty­nyň Baş­ly­gy Gurbanguly Berdimuhamedowyň, Azer­baý­janyň Pre­zi­den­ti Il­ham Ali­ýe­wiň we Öz­be­gis­tanyň Pre­zi­den­ti Şaw­kat Mir­zi­ýo­ýe­wiň ara­syn­da üç­ta­rap­la­ýyn du­şu­şyk ge­çi­ril­di.

Pre­zi­dent Şaw­kat Mir­zi­ýo­ýew duşuşygyň barşynda eden çykyşynda ýa­kyn­da Awa­za­da ge­çi­ri­len BMG-niň Deň­ze çy­kal­ga­sy bol­ma­dyk ösüp bar­ýan döw­let­ler bo­ýun­ça üçün­ji mas­la­ha­ty­nyň çäk­le­rin­de ka­bul edi­len çöz­güt­le­riň tu­tuş adam­za­dyň bäh­bi­di­ne gö­nük­di­ri­len­di­gi­ni bel­le­di.
Pre­zi­dent Şaw­kat Mir­zi­ýo­ýew Türk­me­nis­ta­nyň we Öz­be­gis­tanyň ara­syn­da­ky gat­na­şyk­la­ryň stra­te­gik hä­si­ýe­te eýe­di­gi­ni bel­le­di. Bu bol­sa iki­ta­rap­la­ýyn hyz­mat­daş­ly­gy ös­dür­mä­ge, bi­le­lik­dä­ki mö­hüm tas­la­ma­la­ry dur­mu­şa ge­çir­mä­ge giň müm­kin­çi­lik­le­ri aç­ýar.

Üç­ta­rap­la­ýyn du­şu­şy­gyň do­wa­myn­da Azer­baý­janyň Pre­zi­den­ti Il­ham Ali­ýew çy­kyş edip, bu du­şu­şy­gyň çäk­le­rin­de me­ýil­leş­di­ri­len çä­re­le­riň ýo­ka­ry gu­ra­ma­çy­lyk de­re­je­si­niň üp­jün edi­len­di­gi üçin ho­şal­lyk bil­dir­di.
Azer­baý­ja­nyň ýan­gyç-ener­ge­ti­ka, ulag-lo­gis­ti­ka ul­gam­lar­da ýo­la go­ýul­ýan gat­na­şyk­la­ryň iş­jeň­leş­di­ril­me­gi­ne uly gy­zyk­lan­ma bil­dir­ýän­di­gi­ni aý­dyp, Pre­zi­dent Il­ham Ali­ýew de­giş­li ugur­lar­da bi­le­lik­dä­ki tas­la­ma­la­ry dur­mu­şa ge­çir­mek, öňe sü­rül­ýän baş­lan­gyç­la­ry ama­la aşyr­mak üçin ägirt uly müm­kin­çi­lik­le­riň bar­dy­gy­na ün­si çek­di.
Gurbanguly Berdimuhamedow çy­kyş­lar üçin min­net­dar­lyk bil­di­rip, hä­zir­ki wagt­da Türk­me­nis­ta­nyň, Azer­baý­ja­nyň we Öz­be­gis­ta­nyň sy­ýa­sy-dip­lo­ma­tik ul­gam­da öza­ra gat­na­şyk­la­ryň ýo­ka­ry nus­ga­sy­ny gör­ke­zip, äh­lu­mu­my pa­ra­hat­çy­ly­gy, howp­suz­ly­gy, dur­nuk­ly ösü­şi üp­jün et­mä­ge sal­dam­ly go­şant goş­ýan­dyk­la­ry­ny bel­le­di.
Halk Mas­la­ha­ty­nyň Baş­ly­gy hem­me­le­ri Hal­ka­ra pa­ra­hat­çy­lyk we yna­nyş­mak ýy­ly­na hem-de Türk­me­nis­ta­nyň he­mi­şe­lik Bi­ta­rap­ly­gy­nyň 30 ýyl­ly­gy­na ba­gyş­la­nyp ge­çi­ril­jek hal­ka­ra fo­ru­ma gat­naş­mak üçin Türk­me­nis­ta­na gel­mä­ge ça­gyr­dy.
Ýo­ka­ry de­re­je­li üç­ta­rap­la­ýyn du­şu­şy­k ta­mam­la­nan­dan soň­ra, res­mi­na­ma­la­ra gol çek­mek da­ba­ra­sy bol­dy.