2023-nji ýylyň ýanwar aýynda Türkmenistandan 1 müň 476 sany syýahatçy Azerbaýjana baryp gördi. Bu geçen ýylyň ýanwar aýy bilen deňeşdirilende 4,96 esse artykdyr diýip, Trend Azerbaýjanyň Syýahatçylyk boýunça döwlet agentligine salgylanyp habar berýär.
Umuman, 2023-nji ýylyň ýanwar aýynda Merkezi Aziýa ýurtlaryndan Azerbaýjana baran syýahatçylaryň sany 5309 adama ýetdi, bu 2022-nji ýylyň degişli döwründäkiden (1384) 3,83 esse köp.
Maglumatlara görä, Gazagystandan 2100 adam (ýyllyk ösüş 4,04 esse), Özbegistandan 1427 adam (ösüş 5,05 esse), Gyrgyzystandan 141 adam (80,77 göterim ösüş), Täjigistandan 165 adam (ýyllyk ösüş 4,58 esse) baryp gördi.
Belläp geçsek, bäş ýylda Merkezi Aziýa ýurtlaryndan Azerbaýjana 411 müň 141 sany daşary ýurtly baryp gördi (Gazagystandan 167 052, Türkmenistandan - 119 201, Özbegistandan - 96 278, Gyrgyzystandan 15 467, Täjigistandan - 13 143).
2022-nji ýylda Azerbaýjana 1 million 602 müň 600 sany daşary ýurtly raýatlary baryp gördi. 2021-nji ýyl bilen deňeşdirilende iki esseden gowrak artyk (790 müň 062).
