2026-njy ýylyň dekabr aýynda Saud Arabystanynda «Dream of the Desert» («Çöl arzuwy») atly otlynyň işe girizilmegi meýilleşdirilýär. Bu Ýakyn Gündogarda syýahatçylyk üçin döredilen ilkinji «ultra-kaşaň» klasly otly bolar.
Taslama Italiýanyň Arsenale kompaniýasy tarapyndan Saud Arabystanynyň Milli demir ýol kärhanasy (Saudi Arabia Railways) bilen goşulyp, ýurduň syýahatçylyk we medeniýet edaralarynyň goldawy arkaly durmuşa geçirilýär. Otlynyň dizaýnyny arhitektor Alin Asmar d’Ammana degişli. Ol öz işiniň bezeginde däp bolan saud nagyşlaryny ýewropa elementleri bilen utgaşdyrdy.
Otly 14 wagondan we 33 kupeden ybarat bolup, aňry gitse 66 ýolagça niýetlenendir. Ugurlar ýurduň dürli künjeklerine, şol sanda Al-Juf we taryhy Jubba sebitlerine bir günlük we köp günlük syýahatlary öz içine alýar. Ýolagçylara ýörite taýýarlanan tagamlar, medeni maksatnamalar, gije-gündizleýin hyzmat we şahsy gözegçilik wada berilýär.
Bir gijelik ýerleşmegiň bahasy iki adamlyk kupe üçin takmynan 8 müň dollardan başlaýar. Şeýle hem tutuş wagony kärendesine almak mümkinçiligi-de bolar.
