22-nji iýundan başlap, Wýetnama girmek üçin syýahatçylardan öňünden elektron geliş kartyny doldurmak talap ediler. Bu barada Russiýanyň Syýahatçylyk operatorlarynyň assosiasiýasy (ATOR) habar berýär.
«22-nji iýundan başlap, ýurduň ähli halkara howa menzilleri, şol sanda Nýaçang arkaly uçup gelýän ähli syýahatçylar üçin elektron geliş kartasyny doldurmak indi hökmanydyr. Sowalnama rus dilinde hem elýeterli bolup, onda pasport maglumatlaryny, wiza baradaky maglumatlary, şeýle hem Wýetnamda boljak wagtyňy we ýeriňi görkezmek talap edilýär» – diýlip, habarda aýdylýar.
Anketany Wýetnamyň migrasiýa gullugynyň portalynda ýurda girmezden 72 sagat öň dolduryp bolýar. Sowalnama üstünlikli doldurylandan soň, ulgam ýurda gelnende pasport gözegçiliginiň işgärine görkezilmeli QR-kody döreder.
Bu talap 45 güne çenli möhlet bilen wizasyz girýän ähli daşary ýurt raýatlaryna, şeýle-de elektron wizasy bar bolanlara degişlidir.
Diňe serhetden geçmeýän tranzit ýolagçylar hem-de diplomatik we gulluk pasportlarynyň eýeleri üçin kadadan çykma göz öňünde tutuldy.
