Kyodo agentliginiň habar bermegine görä, Ýaponiýanyň häkimiýetleri daşary ýurtlular üçin wiza tölegini bäş esse köpeltmek kararyna geldiler. Bu ädim inflýasiýanyň ýokarlanmagy we ýenanyň hümmetiniň pese düşmegi bilen düşündirilýär.
Bu üýtgeşme ýurtda 1978-nji ýyldan bäri wiza töleginiň ilkinji gezek ýokarlandyrylmagydyr. Täze nyrhlar şu ýylyň iýul aýyndan başlap güýje girýär. Şeýlelikde, bir gezeklik wiza töleg 3 müň ýenadan 15 müň ýena çenli (takmynan 93 dollara çenli) köp gezeklik wiza töleg 6 müň ýenaden 30 müň ýena çenli (takmynan 186 dollara çenli) ýokarlanar.
Ýaponiýanyň Daşary işler ministri Tosimitsu Motegi: «Biz bu çäre gönüden-göni syýahatçylaryň akymyna täsir eder öýtmeýäris» diýip, täzelik hakynda öz pikirini teswirledi.
Kyodo agentliginiň maglumatynda ýapon wizalaryna girizilen nyrhlaryň Uly ýedilige (G7) girýän beýleki döwletleriň nyrhlary bilen deň derejä ýetjekdigi-de bellenilýär.
