Türkmenabatda 1894-nji ýyldan bäri geçirilen gözegçilikleriň tutuş taryhynda iň pes temperaturanyň aňrybaş rekordy goýuldy. Anna güni şäherde termometriň sütünjigi -25,4°-a çenli aşaklady diýip, «Meteožurnal» neşiri habar berýär.
Serhetabatda gijelerine temperatura -27°-dan aşak düşdi. Bu gyş 1969-njy we 2008-nji ýyllaryň gyşlaryndan ep-esli sowuk bolup, howa edilen gözegçilikleriň tutuş taryhynda bu şäherde rekord dereje ikinji gezek gaýtalandy. Bu ýerde diňe 1905-nji ýylda -33,8° aýaz bolupdy.
Aşgabatda anna güni iň pes temperatura -16,4 ° boldy. Bu hem şäher üçin iň pes temperatura.
Şeýle hem Mary welaýatynyň aglaba bölegi, Lebap welaýatynyň günorta we merkezi etraplary hem-de Ahalyň günorta-gündogary adaty bolmadyk aýaz zolagynda ýerleşýär.
