Visualcapitalist.com portaly üç sany “Mişlen” ýyldyzly iň köp restorany bolan ýurtlaryň reýtingini hödürledi. Belli syýahatçylyk ýolbelediniň reýtingi üç derejeden ybarat. Üç “Mişlen” ýyldyzy, köplenç, aşpezlik däbini nesilme-nesil dowam etdirýän şefleriň ýolbaşçylygynda awtorlyk menýulary bolan restoranlara berilýär.
Sanawda birinji orny 30 sany üç ýyldyzly restoran bilen Fransiýa eýeledi. Ikinji orunda 20 sany şeýle restoran bilen Ýaponiýa ýerleşýär. Üçünji orny 15 restoran bilen Ispaniýa eýeleýär.
Reýting bu ýurtlarda ýokary derejeli menýunyň we medeni gastronomiýa däpleriniň meşhurlygyny görkezýär.
Reýtingde beýleki ýurtlar şeýle tertipde ýerleşdi:
- Italiýa we ABŞ – hersinde 13 restoran;
- Germaniýa – 10 restoran
- Gonkong, Makao we Beýik Britaniýa – 9 restoran
- Materik Hytaý – 5 restoran;
- Şweýsariýa – 4 restoran.
