“Welikiý Wolžskiý put” taslamasynyň çäginde şu tomus Hazar deňziniň boýundaky ilkinji ugur açylar, bu birbada Hazar döwletleriniň ählisine - Azerbaýjana, Eýrana, Gazagystana, Türkmenistana we Russiýa baryp görmegi öz içine alýar. Bu barada Kazinform Russiýa Federasiýasynyň Ykdysady Ösüş ministrligine salgylanyp habar berýär.
Ministriň orunbasary Dmitriý Wolwaçyň sözlerine görä, häzirki wagtda Astrahanyň “Lotos” gämi abatlaýyş kärhanasynyň çäginde rus we daşary ýurtly syýahatçylaryň Hazar deňzine gezelenje çykyp biljek “Pýotr Welikiý” kruiz gämisiniň gurluşygy dowam edýär.
“Pýotr Welikiý” gämisindäki ýolagçylaryň restoranlara, spa-salonlara, sport zallaryna, howza we sauna girip biljekdigi bellendi. Umuman, “ýüzýän myhmanhanada” 310 orunlyk 155 kaýuta bolar. Ekipažyň agzalary bilen birlikde, 90 işgär syýahatçylara hyzmat eder.
