M.Çakyýew Merkezi Aziýa döwletleriniň Ulag ministrleriniň birinji duşuşygyna gatnaşdy

  • 14.09.2023 07:01
  • 13k+

13-nji sentýabrda Duşenbe şäherinde Merkezi Aziýa döwletleriniň Baştutanlarynyň Konsultatiw duşuşygynyň çäginde Merkezi Aziýa döwletleriniň Ulag ministrleriniň ilkinji duşuşygy geçirildi. Duşuşyga Türkmenistanyň Ministrler Kabinetiniň ýanyndaky Ulag we kommunikasiýalar agentliginiň baş direktory M.Çakyýewiň ýolbaşçylygyndaky wekiliýet gatnaşdy.

Duşuşygyň dowamynda taraplar ulag we logistika pudagy boýunça sebit mümkinçiliklerini has-da ösdürmegiň zerurdygyny bellediler.
Türkmenistanyň wekiliýetiniň ýolbaşçysy forumda çykyş edip, ulag pudagynyň ösüşiň esasy görkezijileriň biri bolup durýandygyny aýtdy. Bu nukdaýnazardan, Türkmenistanyň amatly geografiki ýerleşişinden we mümkinçiliklerinden peýdalanyp, milli ösüşi üpjün etmek üçin zerur geosyýasy we geoykdysady bähbitleri öňe sürýändigi bellendi.
Forumda çykyş eden gatnaşyjylar sebitdäki ýurtlaryň biri-biri bilen baglanyşyklydygy barada umumy pikiri aýtdylar we häzirki döwrüň  aýratynlyklaryna we talaplaryna jogap edip, munuň üçin bar bolan uly mümkinçilikleri ulanyp, bu ugurdaky gatnaşyklary hemmetaraplaýyn çuňlaşdyrmalydygyny nygtadylar.
Ulaglaryň özara baglanyşygyny berkitmek üçin platforma bolmak üçin döredilen köptaraplaýyn duşuşygyň netijesinde Bilelikdäki Beýanat kabul edildi we “Merkezi Aziýada gury ýer ulaglarynyň özara baglanyşygyny güýçlendirmek barada” Ylalaşyk taslamasy tassyklandy.


düýn 12:10
5.6k+

RF-niň daşary işler ministri Lawrow ýaş türkmen diplomatlarynyň öňünde çykyş etdi

25-nji iýunda Aşgabatda “Ýyldyz” myhmanhanasynda Russiýanyň daşary işler ministri S.W.Lawrow Türkmenistanyň Daşary işler ministrliginiň işgärleriniň, şeýle hem Türkmenistanyň DIM-iň Halkara gatnaşyklary institutynyň mugallymlarynyň we talyplarynyň öňünde çykyş etdi...

düýn 12:05
3.6k+

Türkmenistan Hazarýaka döwletleriniň ýolbaşçylarynyň ýörite sammitini geçirmegi teklip edýär

Türkmenistanyň ýolbaşçylygy derwaýys meseleleri ara alyp maslahatlaşmak we Hazarda ekologiýa howpsuzlygyny üpjün etmek boýunça işleri güýçlendirmek maksady bilen, Hazarýaka döwletleriniň ýolbaşçylarynyň ýörite sammitini geçirmek baradaky başlangyjy beýan etdi...

düýn 11:58
4.2k+

Türkmenistanyň we RF-niň Daşary işler ministrlikleri 2025-2026-njy ýyllar üçin hyzmatdaşlyk Maksatnamasyna gol çekdiler

25-nji iýunda Türkmenistanyň Daşary işler ministrliginde Russiýa Federasiýasynyň daşary işler ministri Sergeý Lawrowyň ýolbaşçylygyndaky wekiliýet bilen duşuşyk geçirildi. Gepleşikleriň gün tertibine döwletara gatnaşyklary mundan beýläk-de ösdürmegiň möhüm meseleleri girizildi...

düýn 11:51
1.6k+

Türkmenistanyň DIM-nde Fransiýanyň senatory bilen duşuşyk geçirildi

25-nji iýunda Türkmenistanyň daşary işler ministriniň orunbasary M.Bäşimowa Fransiýanyň senatory, Fransiýa – Merkezi Aziýa parlament dostluk toparynyň agzasy Samanta Kazebon bilen duşuşdy. Türkmenistanyň DIM-niň...