Ministrler Kabinetiniň ýanyndaky Ulag we kommunikasiýalar agentliginiň «Türkmenawtoulaglary» agentligi Türkmenistan boýunça 607 ugra ýolagçy gatnawlaryny ýerine ýetirýär.
Agentligiň resmi saýtynyň habar bermegine görä, şolaryň 168-si şäheriçi, 336-sy şäherýaka, 103-si şäherara ugurlaryna degişlidir.
2021-nji ýyldan bäri agentlik tarapyndan 26 sany täze ugur boýunça awtobus gatnawlary açyldy, 22 sany ugur boýunça öňki hereket edýän ugurlar döwrebaplaşdyryldy.
2022-nji ýylda «Türkmenawtoulaglary» agentligi 2021-nji ýyl bilen deňeşdirilende hyzmatlaryň möçberini 28,8% artdyrdy. Iş meýilnamasy 129,4% ýerine ýetirildi.
