13-nji dekabrda Türkiýäniň Prezidentiniň Türkmenistana sapary başlanýar

  • 13.12.2022 07:43
  • 25k+

2022-nji ýylyň 13-14-nji dekabrynda Rejep Taýyp Ärdogan Türkiýäniň, Azerbaýjanyň we Türkmenistanyň Prezidentleriniň sammitine gatnaşmak üçin Türkmenistanda saparda bolar. Bu barada duşenbe güni agşam türk Lideriniň resmi saýtynda habar berildi.

«Türkmenistanyň Prezidenti Serdar Berdimuhamedowyň çakylygy boýunça 14-nji dekabrda, çarşenbe güni Awazada Prezident Ilham Aliýewiň, şeýle hem Türkiýäniň Prezidentiniň gatnaşmagynda geçiriljek sammitde üç dostlukly hem doganlyk ýurduň hyzmatdaşlygyny mundan beýläk hem çuňlaşdyrmak, hususan-da, söwda, energetika we ulag ulgamlarynda hyzmatdaşlygy giňeltmek üçin zerur bolan ädimler maslahatlaşylar» - diýlip habarda aýdylýar.
«Sammitiň barşynda ýokarda agzalan ugurlarda hyzmatdaşlygyň şertnama-hukuk binýadyny berkitjek dürli ylalaşyklara gol çekiler» - diýlip metbugat beýanatynda aýdylýar.

Sammitiň çäklerinde şeýle hem ikitaraplaýyn duşuşyklaryň geçirilmegine garaşylýar diýip, türk Prezidentiniň metbugat gullugy ýazýar.
Öň Ärdogan öz ýurdunyň çäginde gaz habyny döretmek meselesini Awazada sammitde maslahatlaşmagy meýilleşdirýändigini belledi.


düýn 12:32
2.5k+

Raşid Meredow Gambiýanyň, Angolanyň we Saud Arabystanynyň daşary işler ministrleri bilen gepleşikleri geçirdi

26-njy noýabrda Türkmenistanyň daşary işler ministri Raşid Meredow dekabrda Aşgabatda geçiriljek Halkara forumyň guramaçylygyna degişli meseleler boýunça daşary ýurtly kärdeşleri bilen telefon arkaly söhbetdeşlikleri geçirdi...

düýn 12:26
5.9k+

Hazarda 2026-njy ýylda bekre balyklaryň önümçilik maksatly tutulmagyna ýol berilmezlik boýunça çözgüt kabul edildi

24–26-njy noýabrda Aşgabatda Türkmenistanyň Hazar deňzi institutynda Hazar deňziniň suw biologik serişdelerini gorap saklamak, rejeli peýdalanmak we olaryň bilelikdäki gorlaryny dolandyrmak baradaky toparyň 9-njy mejlisi geçirildi...

düýn 12:21
1.4k+

Türkmenistan Halkara Sergiler Býurosynyň Administratiw–býujet komitetiniň agzalygyna saýlandy

25-nji noýabrda Türkmenistanуň Halkara Sergiler Býurosynyň (BIE) ýanyndaky wekili, ilçi M.Çaryýew Pariž şäherinde BIE-niň Baş Assambleýasynyň 177-nji sessiýasyna gatnaşdy. Bu barada Türkmenistanyň DIM-nde habar berdiler...

düýn 10:26
4.1k+

Türkmenistan bilen Gazagystan Temirbaba we Bekdaş aralygynda ýerasty optiki-süýümli aragatnaşyk ulgamyny gurar

Astana şäherinde Türkmenistanyň aragatnaşyk ministri Hajymyrat Hudaýgulyýew bilen Gazagystanyň Premýer-ministriniň orunbasary – emeli aň we sanly ösüş ministri Žaslan Madiýewiň arasynda gepleşikler geçirildi. Duşuşyk Türkmenistanyň Prezidentiniň Gazagystana döwlet saparynyň çäklerinde boldy...