Türkmenistan Parižde ÝUNESKO-nyň Hökümetara okeanografiýa komissiýasynyň mejlisine gatnaşýar

  • 03.07.2025 18:32
  • 3.1k+

Türkmenistanyň wekiliýeti 25-nji iýun – 3-nji iýul aralygynda ÝUNESKO-nyň Pariž şäherindäki ştab-kwartirasynda geçirilýän ÝUNESKO-nyň Hökümetara okeanografiýa komissiýasynyň 33-nji Assambleýasyna gatnaşýar. Bu barada Türkmenistanyň DIM-nde habar berdiler.

Çäräniň çäginde ummanlaryň ýagdaýyna gözegçilik etmek, howanyň üýtgemeginiň täsirlerini çaklamak we deňiz gurşawyny goramak boýunça halkara hyzmatdaşlygy pugtalandyrmaga gönükdirilen tematiki ylmy sapaklar we ýörite duşuşyklar hem geçirilýär.
Mejlisiň işine Türkmenistanyň wekiliýetiniň düzüminde Türkmenistanyň Hazar deňzi institutynyň direktory Myrat Atajanow, Türkmenistanyň ÝUNESKO-yň ýanyndaky hemişelik wekili, Adatdan daşary we Doly ygtyýarly ilçi Maksat Çaryýew, şeýle hem Türkmenistanyň Daşary işler ministrliginiň Şertnama-hukuk departamentiniň işgäri Kemal Garaýew gatnaşýarlar.
Türkmenistanyň Hökümetara okeanografiýa komissiýasynyň işine işjeň gatnaşmak arkaly öz ylmy-tehniki mümkinçiliklerini ösdürmegi, halkara ylmy dialogy çuňlaşdyrmagy we okeanlary hem-de deňizleri goramak bilen baglanyşykly Durnukly ösüş maksatlaryna ýetmäge goşant goşmagy maksat edinýändigi bellenildi.
Türkmenistan deňiz ekoulgamyny goramak, ylmy barlaglary ösdürmek we okeanografiýa ugry boýunça halkara hyzmatdaşlygyny güýçlendirmek boýunça halkara başlangyçlaryna yzygiderli ygrarlylygyny görkezýär. Şeýle hem, sebit üçin Hazar deňziniň aýratyn ähmiýeti göz öňünde tutulyp, deňiziň bioköpdürliligini goramak we deňiz serişdelerinden durnukly peýdalanmak meselelerine aýratyn üns berilýär.


düýn 18:43
4.4k+

Türkmenistanyň maýa goýum forumynyň geçiriljek ýeri Aşgabatdan Awaza geçirildi

2025-nji ýylda Türkmenistanyň Maýa goýum forumyny (TIF 2025) geçirmek boýunça guramaçylyk komiteti çäräniň geçiriljek ýerini üýtgetdi. Forum 18–19-njy sentýabrda Hazar deňziniň kenaryndaky Awaza syýahatçylyk zolagynyň maslahatlar merkezinde geçiriler...

düýn 11:06
2.8k+

Türkmenistanda güýzlük bugdaý ekişi başlandy

3-nji sentýabrda Türkmenistanda güýzlük bugdaý ekişine girişildi. Prezident Serdar Berdimuhamedowyň ak pata bermegi bilen, bu möhüm oba hojalyk möwsümi Türkmenistanyň ähli welaýatlarynda birbada badalga aldy. Hormatly ýaşulular Beýik Biribardan ak bugdaýyň bol hasylyny dileg edip, ekişe badalga berdiler...

03.09.2025 15:53
2.1k+

Türkmenistanyň wekiliýeti Sloweniýada Bled strategik forumynyň işine gatnaşdy

1–2-nji sentýabrda Sloweniýanyň Bled şäherinde Bled strategik forumy geçirildi. Forumyň işine Türkmenistanyň daşary işler ministriniň orunbasary Mähri Bäşimowanyň ýolbaşçylygyndaky türkmen wekiliýeti gatnaşdy diýip, Türkmenistanyň DIM-nde habar berdiler...

03.09.2025 10:28
3.4k+

Serdar Berdimuhamedow Hytaýyň Döwlet Geňeşiniň Premýeriniň birinji orunbasary bilen duşuşdy

2-nji sentýabrda Pekinde Hytaý Halk Respublikasyna iş saparynyň çäklerinde Prezident Serdar Berdimuhamedow Hytaýyň Kommunistik partiýasynyň Merkezi komitetiniň Syýasy býurosynyň hemişelik komitetiniň agzasy, Hytaý Halk Respublikasynyň Döwlet Geňeşiniň Premýeriniň birinji orunbasary Din Sýuesýan bilen duşuşdy...