2024-nji ýylda Aşgabatda açylan 400 orunlyk Halkara sagaldyş-dikeldiş merkezi hem-de 250 orunlyk Halkara fiziologiýa ylmy-kliniki merkezi «German Design Award Winner 2025» atly güwänamalara mynasyp boldy.
Bu baýraklar Germaniýa Federatiw Respublikasynyň «Rat für Formgebung German Design Council» edarasy tarapyndan taslamalarynyň bezeg we binagärlik aýratynlyklary, şeýle-de dünýä ülňülerine laýyk gelýän innowasion enjamlar bilen üpjün edilendigi üçin berildi.
Olarda näsaglara edilýän ýokary hilli hyzmatlardyr iş şertleri halkara talaplara laýyk gelýär, ulanylýan lukmançylyk enjamlary bolsa ekologik taýdan howpsuzdyr.
Bu desgalaryň “Gap Inşaat Ýatyrym we Dyş Tijaret A.Ş.” türk kompaniýasy tarapyndan guruldy. Olar Germaniýa Federatiw Respublikasynyň Frankfurt şäherinde «Ajaýyp binagärlik», «Ajaýyp aragatnaşyk dizaýny», «Önümiň ajaýyp dizaýny» ýaly ugurlar boýunça «Rat für Formgebung German Design Council» edarasy tarapyndan geçirilen bäsleşige gatnaşyp, onda ýeňiji bolmagy başardy. Bu bäsleşik GFR-iň Federal Hökümetiniň goldaw bermeginde Frankfurt şäherinde her ýyl geçirilýär.
