Lukmanlar «baletka» diýlip atlandyrylýan aýakgaplary uzak wagtlap geýmegiň saglyk üçin howpludygyny duýdurýarlar. Olaryň bellemegine görä, şeýle aýakgaplar dowamly agyrylara we aýagyň şekiliniň üýtgemegine sebäp bolup biler.
Podiatr (aýak kesellerini bejerýän lukman) Enn Şarkiniň aýdyşy ýaly, pes ökjeli aýakgapda ýasy dabanyň we titremäni öňüni alýan gurluşyň ýokdugy sebäpli, wagtyň geçmegi bilen ökjede agyrylar döredýär we aýagyň görnüşi üýtgeýär. Ol: «Baletkaly her ädim ädeniňizde aýagyňyz edil tekiz karton böleginiň üstüne düşýän ýaly bolýandyr.
Eger adamlar baletkalary birnäçe aýlap dowamly geýenlerinde aýaklaryna nämeleriň bolýandygyny bilsediler, olary geýmezden ozal gaýta-gaýta pikirlenerdiler» diýip, giňişleýijn düşündirýär.
Lukman Marion Ýau bolsa, baletkalaryň burnunyň darlygynyň barmaklaryň gyşarmagyna, gabarçak emele gelmegine we dyrnaklara zeper ýetmegine sebäp bolup bilýändigini bu aýdylanlaryň üstüne goşýar. Ol: «Aýakgabyň burny näçe dar bolsa, barmaklaryň erkin hereket etmegi üçin şonça-da az ýer galýar we bu aýagyň öň tarapyna uzak wagtlyk ýaramaz täsir edýär» diýip belleýär.
Şeýle-de hünärmenler köwüş satyn alnanda aýakgabyň aýagyň ölçegine doly laýyk gelmegine, ýöreýän wagtyňda durnukly ýagdaýy emele getirmegine we aýakda ykjam oturmagyna üns bermelidigini tabşyrýarlar.
