Ilkinji gezek Aýyň arka tarapyndan Ýere nusgalary iberen Hytaýyň “Çane-6” missiýasynyň orbital apparaty Gün-Ýer ulgamynyň ikinji Lagranž nokadyna (L2) ýetdi.
Nusgalary Ýere iberenden soň, orbital apparat planetamyzyň atmosferasyna gaýtadan girmezlik üçin hereketlendirijilerini işletdi we täze traýektoriýa boýunça ugrady. Space News neşiriniň berýän habaryna görä, bu sapar Hytaýyň geljekki kosmos missiýalaryny taýýarlamakda, meselem, 2028-nji ýylda ekzoplanetalary gözlemek üçin meýilleşdirilýän “Ýer 2.0” obserwatoriýasyny işe girizmekde möhüm rol oýnap biler.
Lagranž L2 nokady Ýerden iň az päsgelçilik bilen kosmos çuňlugyna yzygiderli gözegçilik etmäge mümkinçilik berýän durnukly gözegçilik şertlerini üpjün edýär. “Jeýms Uebb” teleskopy hem şol sebiti ulanýar.
“Çane 6” kamera gözegçiliklerini geçirer we ýerüsti stansiýalar bilen aragatnaşyk saklar diýlip garaşylýar. Apparatyň soňra ýerini üýtgetmek meselesi açyklygyna galýar we esasy, möhleti uzaldylan tabşyryklardan soň galjak ýangyjyň mukdaryna baglydyr.
