Şu gün, 24-nji noýabrda Prezident Serdar Berdimuhamedow döwlet sapary bilen Gazagystan Respublikasyna bardy.
Döwlet Baştutanyny Aşgabadyň Halkara howa menzilinde ýurdumyzyň resmi adamlary ugratdylar.
Birnäçe wagtdan Türkmenistanyň Prezidentiniň uçary iki ýurduň Döwlet baýdaklary bilen bezelen Astana şäheriniň Nursultan Nazarbaýew adyndaky Halkara howa menziline gelip gondy.
Howa menzilinde Serdar Berdimuhamedowy Gazagystanyň Prezidenti Kasym-Žomart Tokaýew garşylady.
Türkmenistan bilen Gazagystanyň arasynda taryhyň, medeniýetiň, diliň we ruhy-ahlak gymmatlyklaryň umumylygyna esaslanýan gatnaşyklar strategik hyzmatdaşlyk häsiýeti bilen tapawutlanýar. Dünýäniň energetika bazarynda möhüm orun eýeleýän iki ýurt syýasy dialogy pugtalandyrmaga, ykdysady hyzmatdaşlygy ösdürmäge we sebit howpsuzlygyny üpjün etmäge aýratyn üns berýär diýip, TDH habar berýär.
