Altyn iň ygtybarly we wagtyň synagyndan geçen gymmatly serişdeleriň biri bolmagynda galýar. Bütin dünýädäki Merkezi banklar onuň gorlaryny artdyrmagyny dowam etdirýärler, bu bolsa 2025-nji ýylda metalyň bahalarynyň rekord derejede ýokarlanmagyna getirdi.
Täze infografika haýsy ýurtlaryň iň uly resmi altyn gorlaryna eýedigini aýdyň görkezýär. Wizualizasiýa üçin maglumatlar "BullionVault" tarapyndan berildi we 2024-nji ýylyň ýagdaýy boýunça tonnalardaky ätiýaçlygy görkezýär.
Reýtingde uly tapawut bilen Amerikanyň Birleşen Ştatlary (8 133,5 tonna ätiýaçlyk bilen) öňde barýar. Bu görkeziji on ýyllyklaryň dowamynda diýen ýaly üýtgemeýär. Altynyň esasy bölegi Fort Noksda we Nýu-Ýorkuň Federal Ätiýaçlyk Bankynda saklanýar.
Ýewropanyň iň uly ykdysadyýetleri – Germaniýa (3 352 tonna), Italiýa (2 452 tonna) we Fransiýa (2 437 tonna) – bilelikde takmynan 8 200 tonna altyna eýedirler, bu bolsa jemi ABŞ-nyň gorlary bilen deňeşdirilip bilner. Bu ätiýaçlyklar, altynyň halkara pul ulgamynyň esasy bolan Bretton-Wuds ulgamynyň mirasy bolup durýar.
Hytaý gorlaryny işjeň artdyrýar: 2019-njy ýyldaky 1 948 tonnadan 2024-nji ýylda 2 280 tonna çenli ýetdi. Bu, Pekiniň amerikan gazna borçnamalaryna maýa goýumlaryny azaltmagyň we dünýä derejesinde ýuanyň pozisiýasyny güýçlendirmäge bolan ymtylyşynyň fonunda aktiwleri diwersifikasiýalaşdyrmak strategiýasynyň bir bölegidir.
Sanawda bäşinji orny Russiýa 2 333 tonna altyn bilen eýeleýär.
Türkiýe (595 tonna) we Polşa (448 tonna) ýaly beýleki ösýän ýurtlar hem inflýasiýadan, walýuta töwekgelçiliklerinden we geosyýasyi durnuksyzlykdan goranmak üçin altyny ulanyp, gorlaryny artdyrdylar.
