Nýu-Ýork we Nýu-Jersi ştatlarynyň baş prokurorlary 2026-njy ýyldaky dünýä çempionatynyň biletleriniň satylmagy bilen baglylykda FIFA-nyň üstünden derňew işini başladylar.
Muňa janköýerleriň nyrhlaryň birden ýokarlanmagy we ýaryşyň oýunlaryna, şol sanda final duşuşygyna ýerleriň paýlanyşygy wagtynda alyjylaryň ýalňyşdyrylyp biljekdigi baradaky şikaýatlary sebäp boldy.
Prokuraturanyň maglumatlaryna görä, bilet satuwy başlanandan soň, FIFA ýerleriň kategoriýa ulgamyny üýtgetdi we munuň netijesinde alyjylaryň bir bölegine garaşanlaryndan has pes ýerlerden bilet ýetdi. Şeýle-de üýtgeýän dinamik baha ulgamy hem barlanylýar.
Derňew gullugy köp oýunlaryň bilet nyrhlarynyň ortaça 34% ýokarlanandygy baradaky maglumatlary öwrenýär. Häkimiýetler FIFA-nyň bu ädimleriniň bahalaryň emeli usulda galdyrylmagyna we sarp edijileriň hukuklarynyň bozulmagyna getirendigini ýa-da däldigini anyklamagy maksat edinýärler.
2026-njy ýyldaky Dünýä çempionaty ABŞ-da, Kanadada we Meksikada geçiriler. Turniriň final oýny 19-njy iýulda ABŞ-nyň Nýu-Jersi ştatynyň Ist-Raterford şäherinde ýerleşýän «MetLife Stadium» sport meýdançasynda bolar.
