Yrak Saud Arabystany bilen serhediň golaýynda, ýurduň günbatar-günortasynda ýerleşýän Nejef welaýatynda iri nebit ýatagynyň tapylandygyny habar berdi. Deslapky çykarylan netijelere görä, gözleg meýdançalarynyň diňe birindäki çig nebitiň gorlary 8,8 milliard barrelden gowrakdyr.
Bu täze tapyndy soňky ýyllarda ýurduň energetika ulgamynda bolup geçen iň ähmiýetli waka boldy. Nejef sebiti uglewodorod serişdelerini gözlemek we anyklamak nukdaýnazaryndan iň gelejegi uly ýerleriň biri hasaplanýar.
«Shams-11» diýlip atlandyrylýan gözleg guýusynyň burawlanmagy netijesinde bu ýerde ýeňil nebitiň bardygy subut edildi. Guýynyň ilkinji günlerdäki önümçiligi gije-gündizde 3248 barrele deň boldy.
Täze nebit ýatagy baradaky habar Ýragyň nebit ministri Haýan Abdul Gani bilen Hytaýyň ZhenHua Oil nebit kompaniýasynyň wekilleriniň arasynda geçirilen resmi duşuşygyň dowamynda aýan edildi.
