Hytaý Fransiýa bilen bilelikde işlenip düzülen SVOM teleskop hemrasyny orbita üstünlikli uçurdy. Uçuryş Siçan kosmodromyndan CZ-2C “Çançžen-2-si” raketasynyň kömegi bilen amala aşyryldy diýip, TASS habar berýär.
Agramy 930 kg bolan SVOM ýyldyz partlamalarynda ýüze çykýan gamma şöhlelerini öwrenmek üçin niýetlenen rentgen teleskopydyr. Taslama Hytaýyň Milli kosmos edarasy bilen Fransiýanyň Milli kosmos gözlegleri merkeziniň bilelikdäki başlangyjydyr.
SVOM-yň kömegi bilen alymlar Älemiň has uzakdaky geçmişini, şol sanda Uly partlamadan soňky ilkinji milliardlarça ýyllygy öwrenip bilerler. Şeýle-de, taslama kosmos pudagynda halkara hyzmatdaşlygy çuňlaşdyrmaga mümkinçilik berer.
SVOM tarapyndan öwrenilýän gamma serpikmeleri Älemde bary-ýogy birnäçe sekunt dowamlylykdaky iň kuwwatly partlamalardyr. Teleskop bu wakalary synlamaga we olaryň ýolundaky gaz obýektleri barada maglumat ýygnamaga mümkinçilik berer.
