Ýapon alymlary haýsy balyklaryň ömrüňi uzaldýandygyny anykladylar

  • 20.06.2024 14:16
  • 17k+

Ýaponiýanyň Nagoýa uniwersitetiniň barlagçylary ownuk balyklary kellesi, süňkleri, iç-goşy bilen bilelikde yzygiderli iýmegiň ömrüň dowamlylygyny uzaldyp biljekdigini anykladylar.

Barlaga 35 ýaşdan 69 ýaş aralygyndaky 80 802 adam gatnaşdy. 9 ýyllyk gözegçiligiň dowamynda alymlar ölüm ýagdaýyny hasaba aldylar we synaga gatnaşyjylaryň iýýän iýmitlerini derňediler.
Gözlegiň netijeleri Public Health Nutrition žurnalynda çap edildi. Netijede, aýda 1-3 gezek, hepdede 1-2 gezek ýa-da hepdede 3 ýa-da ondan hem köp gezek ownuk balyk iýen aýal-gyzlaryň, ownuk balyklary seýrek iýýänler bilen deňeşdirilende, ölüm howpy 31-36%, rak keselinden ölmek töwekgelçiligi 28-36% pesdir.
Alymlar ownuk balyklaryň peýdasyny kalsiý we A witamini ýaly mikroelementlere baýdygy, olarda çişlere garşy we antioksidant täsirleri bolan omega-3 ýag kislotalarynyň köpdügi bilen baglanyşdyrýarlar.
Barlagyň dowamynda ownuk balyklary yzygiderli iýýän erkekler ölüm howpunyň peselmek tendensiýasyny görkezseler-de, bu statistik taýdan beýle bir ähmiýetli däldi. Indi barlagçylar bu deňsizlige nämäniň sebäp bolýandygyny anyklamaga synanyşýarlar.
Netijeleri tassyklamak üçin beýleki ýurtlarda hem goşmaça barlaglary geçirek  zerurdyr.


düýn 14:27
3.1k+

Süýji keseline we semizlige garşy ýokary täsirli dermanlaryň täze synpy - “madda-15” döredildi

Awstraliýanyň we Ýewropanyň molekulýar biologlary süýji keseline we semizlige garşy, ganda glýukozanyň derejesini peseldýän we iýmit siňdiriş bilen bagly meseleleri ýa-da etiňi ýitirmek ýaly zyýanly täsirleri bolmazdan agramy azaldýan dermanlar toparyny döretdiler...

24.06.2025 10:30
6.6k+

Gwadelupaly zenanda ganyň täze topary ýüze çykaryldy

Gwadelupanyň ýaşaýjysy "Gwada negatiw" (Gwada negative) adyny alan täze gan toparly dünýäde ilkinji adam boldy. Bu barada Fransiýanyň Gan edarasynyň (EFS) hünärmenleri habar berdiler diýip, Medical Xpress ýazýar...

23.06.2025 12:41
1.9k+

Birnäçe ýurtda “kitaplar bilen bejergi” – biblioterapiýa giňden ýaýrap başlady

Beýik Britaniýada we başga-da birnäçe ýurtda biblioterapiýa – çeper eser okamak arkaly adamyň psihiki ýagdaýyny gowulandyrmak usuly giň gerime eýe bolýar. Bu barada Bi-bi-si ýazýar. Biblioterapiýa psihika oňyn täsir edip biljek kitaplary saýlamagy göz öňünde tutýar...

22.06.2025 19:28
7.3k+

Ispaniýada saç ekilmeginiň ornuny tutup biljek derman döretdiler

Ispaniýaly barlagçylar androgenetik alopesiýaly (erkek adamlaryň saçynyň dökülmegi bilen deň) laboratoriýa syçanlarynda tüý örtüginiň doly dikeldilmegini gazandylar. Bu üstünlik saç dökülmegine garşy täze dermanlar üçin esas bolup biler diýip, New-York Post ýazýar...