Raşid Meredow we Jozep Borrel Brýusselde gepleşik geçirdiler

  • 21.03.2024 18:31
  • 4.7k+

19-njy martda Brýusselde Türkmenistanyň daşary işler ministri Raşid Meredow bilen ÝB-niň daşary syýasat we howpsuzlyk boýunça ýokary wekili Jozep Borreliň arasynda duşuşyk geçirildi. Bu barada ýurdumyzyň DIM-iň metbugat-gullugy habar berýär.

Diplomatlar ikitaraplaýyn we köptaraplaýyn hyzmatdaşlyk bilen baglanyşykly meseleleri ara alyp maslahatlaşyp, ÝB bilen Merkezi Aziýanyň arasyndaky gatnaşyklary berkitmäge aýratyn üns berdiler.
Hyzmatdaşlygyň geljegi uly ugurlarynyň hatarynda energetika, ulag, sanlylaşdyrma, bilim we howa ugurlary bellenildi.
Taraplar ÝB – Türkmenistan Bilelikdäki komiteti, adam hukuklary boýunça dialog we parlamentara dialog ýaly ikitaraplaýyn hyzmatdaşlygyň bar bolan mehanizmleriniň ähmiýetini nygtadylar.
Mundan başga-da, sebit howpsuzlygy boýunça pikir alşyldy. Raşid Meredow hemişelik bitaraplyk statusynyň ýörelgelerine esaslanyp Türkmenistanyň hökümetiniň bu ugurda alyp barýan tagallaryna we başlangyçlaryna ünsi çekdi.
Şeýle-de, gepleşiklerde şu ýyl Türkmenistanda ÝB – MA görnüşinde daşary syýasat edaralarynyň ýolbaşçylarynyň nobatdaky duşuşygyny guramak meselelerine garaldy.


şu gün 13:26
827

Türkmenistan, Azerbaýjan we Özbegistan optiki-paýlaýyş merkezleriniň ulgamyny döretmegi maslahatlaşýar

Azerbaýjan, Özbegistan we Türkmenistan optiki-paýlaýyş merkezleriniň ulgamyny döretmegi hem-de durnukly söwda-logistika zynjyrlaryny ösdürmegi meýilleşdirýärler. ORIENT agentliginiň Report neşirine salgylanyp habar...

şu gün 11:59
1.5k+

Serdar Berdimuhamedow Koreýa Respublikasynyň Prezidentini dekabrdaky halkara foruma çagyrdy

29-njy awgustda Prezident Serdar Berdimuhamedow bilen Koreýa Respublikasynyň Prezidenti Li Çže Mýonyň arasynda telefon arkaly söhbetdeşlik geçirildi. Bu barada TDH habar berýär. Serdar Berdimuhamedow Li Çže Mýony Koreýa Respublikasynyň Prezidenti wezipesine saýlanylmagy bilen gutlap, oňa jogapkärli döwlet işinde uly üstünlikleri arzuw etdi...

şu gün 11:52
3.8k+

Gurbanguly Berdimuhamedow Aşgabatda täze uniwersitetiň açylyş dabarasyna gatnaşar

Prezident Serdar Berdimuhamedow Hökümet mejlisiniň barşynda 1-nji sentýabrda Bilimler we talyp ýaşlar güni mynasybetli ýurdumyzda birnäçe bilim edaralarynyň açylyp ulanylmaga beriljekdigini aýtdy. Hususan-da, Aşgabat şäherinde Halkara senagatçylar we telekeçiler uniwersiteti, Mary şäherinde Türkmenistanyň Döwlet energetika institutynyň täze goşmaça okuw binasy dabaraly ýagdaýda açylyp ulanmaga berler...

şu gün 11:45
697

Türkmenistan BMG-niň Baş Assambleýasynyň 80-nji sessiýasynda ileri tutýan garaýyşlaryny taýýarlady

Türkmenistanyň Daşary işler ministrligi BMG-niň Baş Assambleýasynyň 80-nji ýubileý sessiýasyna taýýarlyk görmegiň çäklerinde öňümizdäki syýasy ýyl üçin Türkmenistanyň ileri tutýan garaýyşlaryny taýýarlady. Bu garaýyşlary 29-njy awgustda Hökümet mejlisinde wise-premýer, daşary işler ministri R...