Deslapky çaklamalara görä, başlanan iş hepdesi sowuk bolar. Ýöne dynç günlerine çenli ýurtda howanyň ortaça temperaturasy +18 gradusa çenli maýlap biler.
Duşenbe we sişenbe günleri Aşgabatda bulutly howa bolar. Howa gündizlerine +6...+8 gradusa, gijelerine 0...-2 gradusa ýeter. Hepdäniň ortasyndan gysga wagtlyk maýlama başlar. Dynç günleri gündizlerine howanyň +18 gradusa çenli maýyl bolmagyna garaşylýar. Şol bir wagtyň özünde sowuk şemal öwsüp biler. Käbir ýerlerde ýagşyň ýagmagy mümkin.
Ahal welaýatynda üýtgäp durýan bulutly howa bolar. Howanyň temperaturasy gündizlerine +4...+9 gradus, gijelerine -3...+2 gradus bolar. Ýekşenbe güni gündizine howa +20 gradusa çenli maýlar. Gijesine +7 gradusa ýeter. Ygalyň bolmagy mümkin.
Balkan welaýatynda bulutly we şemally howa bolar. Gündizlerine +8...+13 gradus. Gijelerine -3...+2 gradus. Hepdäniň dowamynda az-kem ýagyş ýagyp biler. Dynç günleri açyk howa bolar. Gündizlerine howanyň temperaturasy +20 gradusa, gijelerine +9 gradusa ýeter.
Mary welaýatynda üýtgäp durýan bulutly howa bolar. Gündizlerine +4...+9 gradus. Gijelerine -4...+1 gradus. Ygalyň bolmagy mümkin. Dynç günleri gündizlerine howanyň temperaturasy +19 gradusa ýeter.
Lebap welaýatynda hem bulutly howa bolar. Gündizlerine temperatura +3...+8 gradus, gijelerine 0...-5 gradus bolar. Hepdäniň ahyrynda howa gündizlerine +18 gradusa çenli maýlar. Gijelerine +7 gradusa ýeter.
Daşoguz welaýatynda şemally we ýagyşly howa bolar. Gündizlerine -2...+3 gradus. Gijelerine -5..-10 gradus. Dynç günleri howanyň ortaça temperaturasy +10 gradusa ýeter.
