«Aziýa – Ýuwaş ummany sebitiniň ýurtlary – Hytaý – Gyrgyzystan – Özbegistan – Türkmenistan – Azerbaýjan – Gruziýa – Türkiýe – Ýewropa» (CASCA+) multimodal ulag-üstaşyr ugry boýunça agza döwletleriň demirýol edaralarynyň ýolbaşçylary Aşgabatda geçirilýän altytaraplaýyn duşuşygyň Teswirnamasyna gol çekdiler.
Çärä Azerbaýjandan, Gazagystandan, Gruziýadan, Gyrgyzystandan, Türkiýeden, Özbegistandan, Eýrandan we Türkmenistandan ugurdaş ministrlikleriň we degişli edaralaryň, şeýle-de logistika kompaniýalarynyň we kärhanalarynyň wekiliýetleri gatnaşýar.
Duşuşykda logistika gurluşlarynyň arasyndaky halkara hyzmatdaşlygy berkitmek, CASCA+ ulag geçelgesini işjeňleşdirmek, awtomobil, deňiz, demirýol we howa arkaly ýük gatnawlarynda ulag mümkinçiliklerini durmuşa geçirmek maksady bilen gatnaşyjy döwletleriň tejribe alyşmak meseleleri ara alnyp maslahatlaşylýar.
Aşgabatda CASCA+ halkara multimodal ulag-üstaşyr geçelgesi boýunça agza döwletleriň demirýol edaralarynyň ýolbaşçylarynyň mejlisi 15 – 17-nji noýabrda geçirilýär.
