Prezident Serdar Berdimuhamedow we Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Türkmenistanyň halkynyň we Hökümetiniň adyndan, şeýle hem hut öz adyndan Ermenistan Respublikasynyň Prezidenti Waagn Haçaturýana hem-de Premýer-ministr Nikol Paşinýana, ýurduň ähli halkyna Ermenistan Respublikasynyň Garaşsyzlyk güni mynasybetli tüýs ýürekden gutlaglaryny, iň gowy arzuwlaryny iberdiler.
«Garaşsyzlyk ýyllarynyň dowamynda Ermenistan Respublikasy syýasy, ykdysady we durmuş ulgamlarynda uly üstünlikleri gazandy» diýip, Prezident belledi hem-de ýurtlarymyzyň özara hormat goýmak, ynanyşmak ýörelgelerine esaslanýan döwletara hyzmatdaşlygy mundan beýläk-de giňeltmäge we çuňlaşdyrmaga ygrarlydygynyň iki halkyň bähbitlerine doly laýyk gelýändigini aýtdy.
«Garaşsyzlyk ýyllary içinde Ermenistan Respublikasynyň durmuş-ykdysady ösüşde hem-de halkyň durmuş derejesini yzygiderli ýokarlandyrmakda uly üstünlikleri gazanandygyny, häzirki wagtda syýasy, ykdysady, durmuş ulgamlarynda ösüşini okgunly dowam etdirýändigini bellemek guwandyryjydyr» diýip, Gurbanguly Berdimuhamedow belledi.
