4-nji sentýabrda geçirilen sanly ulgam arkaly iş maslahatynyň barşynda Prezident Serdar Berdimuhamedow ýurdumyzyň welaýatlaryndan birnäçe etraplaryň häkimlerini wezipesinden boşatdy we täze ýolbaşçylary belledi.
Hususan-da,
- Özüne ynanylan wezipäni oňarmandygy üçin, A.Esenow Balkan welaýatynyň Esenguly etrabynyň häkimi wezipesinden boşadylyp, bu wezipä S.Hojaýew bellenildi. Ol welaýatyň Türkmenbaşy etrabynyň häkiminiň orunbasary wezipesinden boşadyldy.
- Özüne ynanylan wezipäni oňarmandygy üçin, R.Nuryýew Balkan welaýatynyň Etrek etrabynyň häkimi wezipesinden boşadylyp, bu wezipä D. Meredow bellenildi.
- Ahal welaýatynyň Ak bugdaý etrabynyň häkiminiň orunbasary S.Çopanow etrabyň häkiminiň wezipesini wagtlaýyn ýerine ýetirmekden boşadylyp, bu wezipä R.Jumaýew bellenildi.
- Pensiýa gitmegi sebäpli, B.Gylyjow Daşoguz welaýatynyň Akdepe etrabynyň häkimi wezipesinden boşadylyp, bu wezipä Ş.Annaýew bellenildi. Ol welaýatyň Görogly etrabynyň häkiminiň orunbasary wezipesinden boşadyldy.
- Özüne ynanylan wezipäni oňarmandygy üçin, W.Meretamanow Akdepe etrabynyň häkiminiň orunbasary wezipesinden boşadylyp, bu wezipä B.Babajykow bellenildi.
- Köneürgenç etrabynyň häkiminiň orunbasary M.Atakeýew etrabyň häkiminiň wezipesini wagtlaýyn ýerine ýetirmekden boşadylyp, bu wezipä G.Muhammedow bellenildi.
- H.Hojageldiýew Mary welaýatynyň häkiminiň orunbasary wezipesine bellenildi.
- Özüne ynanylan wezipäni oňarmandygy üçin, D.Baýlyýew «Türkmen atlary» döwlet birleşiginiň baş direktorynyň orunbasary wezipesinden boşadylyp, bu wezipä E.Babalyýew bellenildi.
