Maý aýynyň birinji hem ikinji on günlüginde Türkmenistanda höküm süren durnuksyz howadan soň, şu hepdede ýurdumyzda tomus möwsümi üçin adaty bolan durnukly howa temperaturasy, ygalyň az mukdary (kä sebitlerde asla düşmezligi), güneşli howa bolar diýip, Meteožurnal habar berýär.
Duşenbe güni +32…+37°, ýurduň demirgazygynda +28…+33°, hazarýaka etraplarynda +22…+27° bolar.
Sişenbe güni +33…+38°, demirgazykda +29…+34°, kenarýaka etraplarynda +23…+28° bolar.
Çarşenbe güni günbatarda yssynyň derejesi güýçlener. Balkan welaýatynda +36…+41°, galan sebitlerde +33…+38, kä ýerlerde +39, demirgazykda +32…+37°-a çenli ýeter. Kenarýaka etraplarda +28…+33°.
Penşenbe-anna günleri günbatarda +36…+41°-a çenli, kenarýaka etraplarynda +27…+32°, kä ýerlerde +35°-a çenli ýeter. Galan sebitlerde temperaturanyň +28…+33°, kä ýerlerde +35°-e çenli düşmegi mümkin.
Duşenbe güni günbatar hem demirgazyk sebitlerde, Köpetdagyň eteklerinde kä ýerlerde az-kem ýagyş ýagyp biler.
Sişenbe güni Köpetdagyň eteklerinde az-kem ýagyş ýagyp, ýyldyrym çakyp biler.
Hepdäniň dowamynda tizligi sekuntda 12-17 metre çenli ýetýän şemal öwser.
