Maý aýynyň ilkinji günleriniň Türkmenistana gelmegi bilen, uzak yssydan soň, howanyň mazaly salkynlamagyna garaşylýar we käbir ýerlerde ýyldyrym çakyp, ýagyş ýagmagy mümkin diýip, “Meteožurnal” neşiri habar berýär.
Hepdäniň ortasynda we ahyrynda birnäçe sebitde günlük ortaça temperatura kadadan pes bolar. Esasanam, Balkanyň daglyk ýerlerinde we dag eteklerinde, Ahal welaýatynyň käbir ýerlerde 15-30 mm-e çenli ygal düşmegi mümkin.
Salkynlama antisiklonyň demirgazyk we gündogar periferiýasy boýunça Russiýanyň ýewropa böleginden Merkezi Aziýa akýan sowuk howa akymynyň gelmegi bilen ýüze çykar.
Çarşenbe güni gije Balkan sebitinde howa +11… +16 gradus salkyn bolar. Günüň dowamynda +18… +23, kenarýaka sebitlerinde +14… +19 gradus bolar. Ahal sebitinde esasan +23… +28, Daşoguz sebitinde +24… +29, Türkmenistanyň gündogarynda we günorta-gündogarynda temperaturanyň + 29… + 34 gradus bolmagyna garaşylýar.
Günüň ikinji ýarymynda Balkan, Ahal we Daşoguz welaýatlaryn käbir ýerlerinde çabgaly ýagyş ýagyp, ýyldyrym çakmagy mümkin.
Penşenbe-anna günleri Türkmenistanyň köp sebitlerinde ýagyş ýagyp, gök gürläp, güýçli ýyldyrym çakmagyna garaşylýar. Penşenbe güni Ahal, Daşoguz we Balkan welaýatlarynda howa hasam salkynlar. Temperatura ep-esli peselip, +14 ... +19 gradusa düşer.
