Aprel aýyndaky adatdan daşary yssy howa Türkmenistanyň birnäçe sebitinde iň ýokary temperaturanyň rekordlaryny täzeledi. Şeýle temperatura apreliň ikinji ongünlüginiň başyna däl-de, maý aýynyň ahyryna ýa-da iýun aýynyň başyna häsiýetlidi.
Balkan welaýatynyň kenarýaka sebitlerinden başga hemme ýerde günüň iň ýokary temperaturasynyň rekordlary täzelendi.
Mart aýynyň rekord maýyl howasynyň çäginde häzirki ýagdaý, esasanam, soňky birnäçe ýylda ählumumy howanyň üýtgemegi bilen, Türkmenistanyň howasynyň hem düýpgöter üýtgeýändiginiň köp sanly mysallaryndan biridir.
Ýurduň aglaba böleginde termometriň sütünjigi +40°-dan geçdi.
Üçajyda iň ýokary temperatura + 42.2 ° diýip bellendi.
Ýerbentde howa +41.1 °-a çenli gyzdy - howa gözegçiliginiň tutuş dowamynda aprel aýynda ýeke gezegem şeýle temperatura hasaba alynmandyr. Ozal iň ýokary temperatura 2008-nji ýylyň aprelinde — +39,9°C bolupdyr.
Sarahsda has yssy — + 41,6 ° C boldy. Şeýle hem 2000-nji ýylda (+41°) kesgitlenen aýlyk rekord täzelendi.
Aşgabatda howa +39,6°C-a çenli gyzdy. Bu hem şäherde 2015-nji ýylda +39,6° bolanda goýlan rekord derejäniň gaýtalanmagydyr.
Baýramalyda +40,5° bolmak bilen rekord gaýtalandy, baryp-ha 1890-njy ýylda (133 ýyl mundan ozal), howa gözegçilik edilip başlanan wagtlarynda, şäherde şeýle temperatura bolupdy.
