Hepdäniň başynda we dynç günleri, esasan, howanyň yssy bolmagy, gysga wagtlaýyn ýagyş ýagmagy we hatda çabga gelmegi mümkin diýip, «Meteožurnal» neşiri Türkmenistanyň çäginde garaşylýan howanyň ýagdaýy hakynda çaklamalaryny getirýär.
Duşenbe güni ýurdumyzyň köp welaýatlarynda +26 - +31 gradusa çenli, Hazar deňziniň kenarýaka sebitlerinde +15 - +20 gradusa çenli yssy bolmagyna garaşylýar. Agşamlygyna Balkan welaýatynyň käbir etraplarynda we Ahal welaýatynyň dag eteklerinde gysga wagtlaýyn ýagyş ýagmagy mümkin.
Sişenbe güni howanyň temperaturasy gysga wagtlaýyn peseler. Ahal welaýatda temperatura +20-den +25 gradusa, Maryda +23-den +28 gradusa çenli bolar. Temperatura Balkan welaýatynyň kenarýaka etraplarynda +13-den +18 gradusa çenli, welaýatyň gündogarynda + 21 gradusa çenli bolar. Daşoguz welaýatyndan başga ähli sebitlerde käbir ýerlerde ýagyş ýagar, çabga gelmegi mümkin.
Çarşenbe güni howa gyzyp ugrar. Ýurduň aglaba çäginde +23-den +28 gradusa çenli, Balkan welaýatynyň kenarýaka sebitlerinde +15-den +20 gradusa çenli yssy bolar. Gündogar we günorta-gündogar sebitleriň käbir ýerlerinde gysga wagtlaýyn ýagyş ýagmagy mümkin.
Penşenbe güni, kenarýaka sebitlerden başga, Türkmenistanyň ähli ýerinde howa yssy bolar . Temperatura, esasan, +27-den +32 gradusa, käbir ýerlerde +33 gradusa çenli, Hazar kenarynda +15-den +20 gradusa çenli bolar.
Anna güni Balkan welaýatynda howanyň temperaturasy aşaklar. Kenarýaka sebitlerinde +13-den +18 gradusa çenli, sebitiň gündogarynda +19-dan +24 gradusa çenli maýyl bolar. Ýurduň beýleki welaýatlarynda +26-dan +31 gradusa çenli yssy bolar. Türkmenistanyň günbatarynyň käbir ýerlerinde ýagyş ýagmagy we çabga gelmegi mümkin.
