16-njy martda Ankarada Türki döwletleriň guramasynyň (TDG) Döwlet Baştutanlarynyň Geňeşiniň nobatdan daşary mejlisinde türkmen halkynyň Milli Lideri Gurbanguly Berdimuhamedow çykyş etdi.
Gurbanguly Berdimuhamedow mejlisde çykyş edip, mejlise diňe bir synçy ýurduň wekili däl-de we şol babatda Türki döwletleriň guramasynyň ýaşulular geňeşiniň agzasy hökmünde gatnaşýandygyny belledi. Şunuň bilen baglylykda, Türkmenistanyň TDG-ä agza döwlet hökmünde kabul ediljekdigine ynam bildirildi.
Sammitiň mowzugynyň «Tebigy betbagtçylyklar: adatdan daşary ýagdaýlary dolandyrmak we ynsanperwer ýardam» diýip atlandyrylmagy hem möhüm ähmiýete eýe bolýar. Bizde «Söýenişen–ýykylmaz» diýilýär. Şoňa görä-de, bir-birimize her tarapdan dost-doganlyk goldawyny bermeli. Başyňa düşmesin, ýöne şunuň ýaly agyr günde hemmämiz jebis bolmaly diýip, türkmen halkynyň Milli Lideri Gurbanguly Berdimuhamedow nygtady.
Halk Maslahatynyň Başlygy Prezident Rejep Taýyp Ärdogan bilen 22 ýyl bäri ýakyndan tanyşdygyny belledi.
Türkmenistan Türkiýe Respublikasynyň Prezidenti Rejep Taýyp Ärdogany, Parahatçylyk boýunça Nobel baýragyna hödürlemek teklip edilýär, biz bu ugurdaky teklipleriň ählisini doly goldaýarys. Ol bu halkara baýragyna mynasyp ýolbaşçydyr diýip, Gurbanguly Berdimuhamedow aýtdy. Rejep Taýyp Ärdoganyň ХХI asyrda Yslam dünýäsiniň ýurtlarynyň döwlet we hökümet Baştutanlarynyň arasynda ilkinji bolup bu ýokary baýraga mynasyp şahsyýet hökmünde taryhyň altyn sahypalaryna ýazylsa, onda maksadalaýyk bolardy.
