«Meteožurnal» neşiriniň habar bermegine görä, 10-yndan 11-nji marta geçilýän gije Türkmenistanda 2023-nji ýylyň başyndan bäri güýçli ýagyş ýagar. 12 sagadyň içinde 7-15 mm çenli ygal düşüp biler.
Ygalyň has köp mukdary Ahal welaýaty, Köpetdag sebitlerinde, şeýle hem Mary we Lebap welaýatlarynyň aýry-aýry sebitlerinde düşer.
Aşgabatda güýçli ýagyş anna güni 23:00-da başlanyp, şenbe güni irden 11-e çenli ýagar diýip, Gismeteo saýty çaklaýar. 11-nji martda maksimal temperatura +17 gradus bolar.
Ýekşenbe güni ýagyn bolmaz, howanyň temperaturasy bolsa +24 gradus bolar.
