Ýakyn günlerde Türkmenistanyň tutuş çäginde howanyň gündizki temperaturasynyň birden üýtgäp durmagyna garaşylýar diýip, «Meteožurnal» neşiri habar berýär. Muňa ýurdumyzyň çägine yzly-yzyna aralaşjak dürli howa akymlary sebäp bolar.
4-5-nji martda ýurdumyza günortadan Ortahazar siklonynyň getirjek maýyl howa akymy howanyň ilkibaşda dessine maýlamagyna, howa akymy çykanda bolsa sowamagyna getirer.
6-njy martda bolsa Ortaýerdeňiz howa akymy aralaşyp, Türkmenistanda howany tomsuň gününe döndürer. 7-nji martda howa akymy ýurduň çäginden çykyp, howa ýene-de birden sowar.
Aşgabatda, ýakyn günlerde howanyň gündizki maksimal temperaturasy birde +25 gradusa düşüp, birde-de +33,8 gradusa galar. 8-nji martda Aşgabatda howanyň temperaturasynyň +16 gradusa düşüp güýçli ýagşyň ýagmagyna garaşylýar.
