Türkmenistanda uzaga çeken adatdan daşary aýazly howa geljek hepdede gowşar. Ýurdumyzyň käbir ýerlerinde +20 gradusa çenli maýyl bolar diýip, «Meteožurnal» neşiri ýazýar.
Howanyň maýlamagy sowuk howa akymynyň Alynky Aziýadan çykmagynyň netijesinde mümkin bolar. Hepdäniň çarşenbe gününde ýurduň gündogarynda we günorta-gündogarynda termometriň görkezijileri +16 ... +21 gradus görkezer. Ýurduň demirgazygynda we günbatarynda howanyň temperaturasy +7 ... +12 gradus, Aşgabatda +11 .. +13 gradus maýyl bolar.
Çarşenbe güni şeýle hem ýurduň birnäçe sebitlerinde az-kem ýagşyň ýagmagyna garaşylýar. Mary we Lebap welaýatynda sekuntda 12-17 metre ýetýän şemalyň öwüsmegine garaşylýar.
