9-10-njy ýanwarda Türkmenistanyň birnäçe sebitlerinde täze ýylyň ilkinji gary ýagar diýip howa maglumaty gullugynyň hünärmenleri çaklaýarlar. Bu barada «Meteojurnal» neşiri habar berýär.
9-njy ýanwarda Ahal, Lebap, Balkan we Mary welaýatlarynyň käbir ýerlerinde gar ýagar. Balkanda howanyň temperaturasynyň -4°… + 1°, aşa günortada 0… + 4°, Ahalda - 4°… + 1 °, günorta-gündogarda -1°… + 4 bolmagyna garaşylýar. 9-njy ýanwarda gijesine we gündizine Aşgabatda gar ýagar diýlip çaklanýar. Gündizki temperatura 0… -3° bolar.
10-njy ýanwarda Mary we Lebap welaýatlarynyň merkezi we günorta sebitlerinde gar gatyşykly ýagşyň ýagmagyna garaşylýar. Ýurduň hemme ýerinde diýen ýaly sowuk howa bolup, temperaturanyň aşaklamagyna garaşylýar. Daşoguz welaýatynda bolsa şol günlerde aýaz bolar, käbir ýerlerde howanyň temperaturasy -14°… -19° çenli aşaklar.
Çeşmäniň habaryna görä, ýakyn günlerde adaty bolmadyk aýazly howa bolar. Türkmenistanyň ähli sebitlerinde -15° C we ondan hem pes temperatura garaşylýar. Daşoguz welaýatynyň käbir sebitlerinde gije -20° C-den hem pes aýaz bolup biler.
